Лондоннинг "Арсенал" клуби ёзги трансфер ойнаси ёпилгунига қадар янги марказий ҳимоячини ўз сафига қўшиб олмоқчи.
"Тўпчилар" жароҳат сабабли мавсум бошини ўтказиб юборадиган Вильям Салибага ўринбосар қидирмоқда. Пойтахт грандининг асосий нишонлари сифатида "Астон Вилла"дан Эзри Конса ва "Байер"дан Жарелл Куанса кўрилмоқда. Журналист Сами Мокбель берган маълумотга кўра, мураббий Микель Артетанинг ўз аниқ фаворити бор — бу Конса. Испаниялик мутахассис янги марказий ҳимоячи жамоага дарҳол киришиб кетиши ва уни кучайтира олишини хоҳламоқда.
Муаммо нархда бўлиб турибди: "Астон Вилла" 28 ёшли футболчи учун тахминан 60 миллион фунт стерлинг (70 миллион евро) талаб қилмоқда ва "виллаликлар" ён бериш ниятида эмас. "Арсенал" эса деярли 25 миллион евро камроқ таклиф қилмоқда. Агар амалдаги чемпионлар келишувни якунлашни исташса, катта эҳтимол билан Бирмингем клубининг шартларига рози бўлишларига тўғри келади.
