Ферран Торреснинг "ПСЖ"га трансфери "Барселона" тарихидаги энг қиммат сотувлардан бирига айланди. Испаниялик ҳужумчи учун Париж клуби тахминан 50 миллион евро тўлаган ва у бу кўрсаткич бўйича каталонияликлар тарихида 4-ўринни эгаллади. "ПСЖ" 26 ёшли футболчи билан 2031 йилгача шартнома имзолаган.
Transfermarkt тақдим этган рейтингда биринчи ўрин Неймарга тегишли. Бразилиялик футболчи 2017 йилда "ПСЖ"га 222 миллион евро эвазига ўтган. Кейинги ўринларни "Ювентус"га 80,6 миллион еврога сотилган Артур Мело ва "Реал"га 60 миллион еврога йўл олган Луиш Фигу эгаллаган.
"Барселона" тарихидаги энг қиммат сотувлар:
- Неймар — "ПСЖ", 222 млн евро
- Артур Мело — "Ювентус", 80,6 млн евро
- Луиш Фигу — "Реал", 60 млн евро
- Ферран Торрес — "ПСЖ", 50 млн евро
- Усмон Дембеле — "ПСЖ", 50 млн евро
- Алексис Санчес — "Арсенал", 42,5 млн евро
- Паулиньо — "Гуанчжоу Эвергранд", 42 млн евро
- Малком — "Зенит", 41,5 млн евро
- Яспер Силлессен — "Валенсия", 35 млн евро
- Сеск Фабрегас — "Челси", 33 млн евро.
Ферран Торрес "Барселона"га 2022 йил январда "Манчестер Сити"дан 55 миллион евро эвазига келиб қўшилган эди. У каталонияликлар сафида 207 та ўйинда майдонга тушиб, 65 та гол урди. Сўнгги мавсумда эса 21 та гол билан жамоанинг муҳим ҳужумчиларидан бири бўлди.
