Лондоннинг «Арсенал» клуби Англия Суперкубоги ўйинида «Манчестер Сити» устидан ғалаба қозониб, янги мавсумдаги дастлабки кубокни қўлга киритди.
Англия чемпионлари рақиб дарвозасига жавобсиз уч гол уришди ва бу «Арсенал»нинг «шаҳарликлар» устидан 2014 йилдан берги энг йирик ғалабаси бўлди. Ўшанда ҳам улар рақибни айнан Суперкубок баҳсида худди шундай 3:0 ҳисобида мағлуб этишган эди.
Англия Премьер-лигасининг янги мавсуми эса келаси ҳафта охирида старт олади. «Арсенал» биринчи турда чорак асрлик танаффусдан сўнг АПЛга қайтган «Ковентри»га қарши майдонга тушади. Ушбу учрашув яқинлашиб келаётган жума, 21 август куни бўлиб ўтади.
