Londonning «Arsenal» klubi Angliya Superkubogi o‘yinida «Manchester Siti» ustidan g‘alaba qozonib, yangi mavsumdagi dastlabki kubokni qo‘lga kiritdi.
Angliya chempionlari raqib darvozasiga javobsiz uch gol urishdi va bu «Arsenal»ning «shaharliklar» ustidan 2014 yildan bergi eng yirik g‘alabasi bo‘ldi. O‘shanda ham ular raqibni aynan Superkubok bahsida xuddi shunday 3:0 hisobida mag‘lub etishgan edi.
Angliya Premyer-ligasining yangi mavsumi esa kelasi hafta oxirida start oladi. «Arsenal» birinchi turda chorak asrlik tanaffusdan so‘ng APLga qaytgan «Koventri»ga qarshi maydonga tushadi. Ushbu uchrashuv yaqinlashib kelayotgan juma, 21 avgust kuni bo‘lib o‘tadi.
