«Астон Вилла» дарвозабони Эмилиано Мартинес шу ёзда «Ювентус»га ўтмайдиган бўлди.
The Athletic нашрининг хабар беришича, Турин клуби 33 ёшли аргентиналик посбоннинг трансфери бўйича музокараларни давом эттиришдан воз кечган. Аввалроқ «Ювентус» Мартинес бўйича янги таклиф киритган ва клубларнинг нарх борасидаги позициялари бир-бирига анча яқинлашган эди. Шахсий шартнома шартларини келишиб олиш ҳам муаммо туғдирмаслиги кутилаётганди. Бироқ якунда Италия клуби музокаралардан чиқиш ва эътиборни бошқа номзодларга қаратишга қарор қилди.
Шу билан бирга, аввалроқ «Астон Вилла» «Парма»дан Дзион Судзукини харид қилиш бўйича келишувга эришгани ва Бирмингем клуби уни янги мавсумда асосий дарвозабон сифатида кўраётгани хабар қилинган эди.
