«Манчестер Юнайтед» «Барселона» ярим ҳимоячиси Гавини ўз сафига қўшиб олишга қизиқиш билдирмоқда. Бу ҳақда El Nacional хабар берди.
Манба маълумотига кўра, «қизил иблислар» испаниялик футболчи учун биринчи расмий таклифни тайёрламоқда. Англия клуби «Барселона»га 55 млн евро таклиф қилишни режалаштирган.
Қайд этилишича, Гавининг ўзи ҳам Каталония клубидаги келгуси роли борасида айрим шубҳаларга эга. Шу сабабли унинг ёзги трансфер ойнасида бошқа жамоага ўтиши эҳтимоли истисно қилинмаяпти.
Ярим ҳимоячининг «Барселона» билан амалдаги шартномаси 2030 йил ёзига қадар мўлжалланган.
Transfermarkt портали Гавининг бозор қийматини 30 млн еврога баҳоламоқда.
