«Манчестер Юнайтед» жамоа сардори Бруну Фернандеш билан шартномани узайтириш бўйича музокараларни давом эттирмоқда. Португалиялик яримҳимоячининг амалдаги келишуви кейинги ёзда якунига етади ва унда шартномани яна бир йилга узайтириш опцияси мавжуд.
Инсайдер Фабрицио Романонинг хабар қилишича, «қизил иблислар» май ойидаёқ футболчига янги таклиф билан чиқишган ва шундан бери музокаралар тўхтагани йўқ. Ёз давомида «Галатасарoй» ва бошқа Европа клублари Брунуни ўз сафига қўшиб олишга уриниб кўришган бўлса-да, «Манчестер Юнайтед» ўз етакчисини сақлаб қолишни мақсад қилган. Сентябрь ойида Фернандеш 32 ёшни қарши олади.
