"Барселона" ярим ҳимоячиси Фермин Лопес "Манчестер Сити" футболчиси Родри Эрнандеснинг каталонияликлар сафига эҳтимолий трансфери ҳақида фикр билдирди.
"У буюк футболчи. "Олтин тўп" соҳиби ва жаҳон чемпиони. Мен у билан Испания миллий жамоасида бирга ўйнайман. Мен учун Родри дунёдаги энг яхши таянч ярим ҳимоячиси. У "Барселона"га жуда катта фойда келтириши мумкин", — дея Лопеснинг сўзларини diariARA нашри келтирди.
Родри 2019 йилдан буён "Манчестер Сити" шарафини ҳимоя қилиб келмоқда. Ўтган мавсумда 30 ёшли ярим ҳимоячи барча мусобақалар доирасида 33 та учрашувда майдонга тушиб, 2 та гол урди.
Аввалроқ Родрининг "Барселона"га ўтишга яқин экани ҳақида хабарлар тарқалганди. Испаниялик футболчи "Манчестер Сити"нинг Англия Суперкубоги доирасида "Арсенал"га қарши кечган ва 0:3 ҳисобида якунланган сўнгги учрашувини ўтказиб юборди.
