ПСВнинг 37 ёшли вингери Иван Перишич «Интер»га қайтишни жуда хоҳламоқда. Бу ҳақда журналист Экрем Конур хабар бермоқда.
Манба маълумотларига кўра, хорватиялик футболчи 2015 йилдан 2022 йилгача тўп сурган Милан клубига қайтиш фикрида қатъий турмоқда. Бироқ ушбу эҳтимолий трансфер бўйича ҳозирча ҳеч қандай аниқлик йўқ.
Янги мавсумда Перишич барча турнирларда 3 та ўйинда майдонга тушиб, 1 та ассист муаллифи бўлди.
Перишичнинг ПСВ билан амалдаги шартномаси келаси йилнинг июнь ойи охиригача мўлжалланган. Transfermarkt портали экспертлари футболчини 1,2 миллион еврога баҳоламоқда.
