«Бенфика» «Бавария»га Жоау Палинья учун 15 миллион евро таклиф қилди. Бу ҳақда A Bola нашри хабар бермоқда.

Лиссабон клуби 31 ёшли таянч ярим ҳимоячисининг трансфери бўйича музокараларни яқин орада якунлашни режалаштирмоқда. Яна 5 миллион евро «Бавария»га бонуслар сифатида тегиши мумкин.

«Бенфика» футболчининг ўзи билан 2030 йилгача мўлжалланган дастлабки шартнома бўйича келишувга эришган. Палиньянинг маоши солиқлар тўланганидан кейин йилига тахминан 3 миллион еврони ташкил этади.

Ўтиш жараёнини «Ньюкасл» мураккаблаштириши мумкин. Бироқ «Бенфика» Палиньянинг Португалияга қайтиш, оиласига яқинроқ бўлиш истаги ҳамда бош мураббий Марку Силва билан яхши муносабатлари инглиз клубининг молиявий жиҳатдан манфаатлироқ таклифидан устун келишига умид қилмоқда.

2025/26 йилги мавсумда португалиялик футболчи ижара ҳуқуқи асосида «Тоттенхэм»да ўйнаб, 45 та ўйинда майдонга тушди, 7 та гол урди ва 2 та голли узатмага муаллифлик қилди.