Ўзбекистон Суперлигасининг 18-туридан ўрин олган "Сўғдиёна" — "Қизилқум" учрашуви 2:1 ҳисобида жиззахликлар фойдасига якунланди.

Зоминда бўлиб ўтган баҳсда ҳисоб 39-дақиқада очилди. "Сўғдиёна" футболчиси Люпчо Дориев рақиб дарвозасини ишғол қилиб, жамоасини олдинга олиб чиқди.

Иккинчи бўлимнинг 53-дақиқасида "Қизилқум" ярим ҳимоячиси Отабек Жўрақўзиев ҳисобни тенглаштирди — 1:1.

Учрашув тақдирини 75-дақиқада захирадан майдонга тушган Дзенан Займович ҳал қилди. Босния ва Герцеговина вакили гол уриб, "Сўғдиёна"га 2:1 ҳисобидаги ғалабани келтирди.

Шу тариқа, Улуғбек Бақоев бошчилигидаги "Сўғдиёна" ўз майдонида Жамшид Саидовнинг "Қизилқум"ини мағлуб этди.

Суперлига, 18-тур

"Сўғдиёна" — "Қизилқум" — 2:1

Голлар: Люпчо Дориев, 39 (1:0), Отабек Жўрақўзиев, 53 (1:1), Дзенан Займович, 75 (2:1).