«Бавария» ва Германия терма жамоаси ярим ҳимоячиси Жамал Мусиала вақти-вақти билан абсанслар (қисқа муддатли хушнинг йўқолиши) келтириб чиқарадиган неврологик дисфункция ҳақида гапириб берди.

«Менда неврологик дисфункция туфайли юзага келадиган, вақтинчалик, аммо яхши даволанадиган абсанслар аниқланди. Улар яқинда ўтказилган «Лейпциг» ва «Хайденхайм»га қарши ўйинлардаги каби ҳолатларга олиб келиши мумкин. Биламан, биринчи қарашда бу қўрқинчли кўринади, аммо мен учун бу ҳозир кундалик ҳаётнинг бир қисмига айланган. Аҳволим тиббий жиҳатдан жуда яхши ва келажакка оптимистик руҳда қарайман. «Бавария» ва яқинларим ҳар доим ёнимда ва бу йўлда мени қўллаб-қувватлашмоқда. Жуда муҳим жиҳати шундаки, соғлиғим учун ҳеч қандай қўшимча хавф-хатарлар йўқ», — дейди Мусиаланинг сўзларини келтирган журналист Керри Хау.

23 ёшли футболчи 15 август куни «Лейпциг» ва 18 август куни «Хайденхайм»га қарши кечган ўйинларда хушини йўқотган эди.