«Манчестер Сити» ярим ҳимоячиси Нико Гонсалес жорий трансфер ойнаси ёпилгунига қадар жамоани тарк этиши мумкин. Бу ҳақда talkSPORT хабар берди.

Манба маълумотига кўра, 24 ёшли испаниялик футболчига «Ньюкасл» қизиқиш билдирмоқда. Клуб Сандро Тонали ва Бруно Гимараэсни йўқотганидан кейин марказий ярим ҳимоя чизиғини кучайтиришни мақсад қилган.

Шу билан бирга, «Манчестер Сити» Гонсалесни сотишдан тушадиган маблағни «Челси» ярим ҳимоячиси Энцо Фернандес ва «Лилль» футболчиси Айюб Буадди трансферларига сарфлашга тайёр экани айтилмоқда.

Бироқ Гонсалеснинг ўзи жамоада қолишни хоҳламоқда.

«Манчестер Сити» ўтган ёзда испаниялик футболчини «Порту»дан 60 млн евро эвазига харид қилган эди. Шундан буён у барча мусобақалар доирасида 59 та учрашувда майдонга тушиб, 4 та гол урди.