«Милан» вингери Рафаэл Леау «Челси»да Португалия терма жамоасидаги шериги Педру Нетунинг ўрнини эгаллаши мумкин.

Миш-мишларга кўра, «кўклар»нинг 26 ёшли футболчиси Саудия Арабистонининг «Ал-Ҳилол» клуби билан келишувга яқин турибди.

Журналист Экрем Конур маълумотига кўра, номи ошкор этилмаган агент «Челси»ни Нетунинг ўрнига Рафаэл Леауни сотиб олишга кўндиришга ҳаракат қилмоқда. Бироқ ҳозирча Лондон клуби «россонери» юлдузини трансфер қилишга қай даражада қизиқиш билдираётгани номаълум.

Рафаэл Леаунинг ўзи эса аввал ҳам бир неча бор Англия Премьер-лигасида кучини синаб кўриш истаги борлигини айтган.

27 ёшли футболчига «Галатасарой» қизиқиш билдирган, шунингдек, унинг хизматлари «Рома»га ҳам таклиф қилинган.