«Бавария»нинг фахрий президенти Ули Хёнесс ярим ҳимоячи Жамал Мусиаланинг бир неча кун ичида иккинчи марта ўйин вақтида ҳушидан кетганидан қаттиқ таъсирланганини айтди.
«Бу ҳолат тўрт кундан кейин яна такрорлангани мени ларзага солди. Мен ҳатто гапира олмай қолдим, бу эса мен билан камдан-кам содир бўлади. Мен Жамал ҳақида ўйлаб ухлайман ва эрталаб ҳам шу ўйлар билан уйғонаман», — деди Хёнесс RTL нашрига берган интервьюсида.
Хёнесснинг қўшимча қилишича, мутахассислар 23 ёшли футболчининг профессионал спортда фаолиятини давом эттиришига тўсқинлик қиладиган ҳолатларни аниқламаган.
Мусиаланинг ўзи эса унда вақти-вақти билан неврологик функцияларнинг қисқа муддатли бузилиши кузатилишини ва бу ҳолатни даволаш мумкинлигини маълум қилди.
Ушбу муаммолар «Бавария» раҳбариятига аввалдан маълум бўлган, аммо яқин вақтга қадар улар ўйинлар пайтида бу қадар яққол намоён бўлмаган.
