«Барселона» ҳимоячиси Пау Кубарсининг Мисрнинг «Ал-Ахли» клубига қарши ўртоқлик ўйинини (2:1) ўтказиб юборгани сабаби ошкор бўлди.

Журналист Жорди Хильнинг хабар беришича, «Барселона» бош мураббийи Ханс-Дитер Флик янги мавсум старти олдидан Кубарсига дам беришга қарор қилган. Таъкидланишича, ҳимоячида ҳеч қандай жароҳат йўқ, шу сабабли у Испания чемпионатининг бўлажак «Эльче»га қарши ўйинига тўлиқ тайёр бўлади.

Испания Ла Лигасининг 2-туридан ўрин олган «Эльче» ва «Барселона» жамоалари ўртасидаги учрашув якшанба, 23 август куни бўлиб ўтади. Учрашув Тошкент вақти билан соат 00:30 да (23 августдан 24 августга ўтар кечаси) бошланиши режалаштирилган.