«Комо» ва «Парма» «Фенербахче» марказий ҳимоячиси Диего Карлосни ўз сафига қўшиб олишга қизиқиш билдирмоқда. «Парма»нинг бразилиялик футболчига қизиқиши ва «Комо» ҳам уни қайтариш истагида экани бошқа манбаларда ҳам қайд этилган.

33 ёшли ҳимоячи ўтган мавсумни айнан «Комо» сафида ижара асосида ўтказган ва кейин «Фенербахче»га қайтган. Энди у яна Италия А Сериясида фаолиятини давом эттириши мумкин.

«Комо» рақобатда устун келиш ва Диего Карлос трансферини яқин кунларда ҳал қилишга ҳаракат қилмоқда. Клуб бразилиялик ҳимоячини Сеск Фабрегас қўл остидаги жамоага қайтаришни истамоқда.

Шу билан бирга, «Парма» ҳам футболчи учун жиддий кураш олиб бормоқда. Хабарларга кўра, клуб Диего Карлосни сотиб олиш ҳуқуқи билан ижарага олиш таклифини ҳам билдирган.

Диего Карлос ўтган мавсум барча мусобақалар доирасида 31 та учрашувда майдонга тушиб, 1 та гол урди ва 1 та голли узатмани амалга оширди.