Ўзбекистон Суперлигасида 18-тур якунларига кўра тўпурарлар пойгасида "Сўғдиёна" ҳужумчиси Люпчо Дориев пешқадамлик қилмоқда.

Шимолий македониялик футболчи "Қизилқум"га қарши 18-тур учрашувида ҳам гол уриб, чемпионатдаги голлари сонини 13 тага етказди. "Сўғдиёна" мазкур баҳсда 2:1 ҳисобида ғалаба қозонди.

Дориевнинг энг яқин таъқибчилари — "Динамо" ҳужумчиси Анваржон Ҳожимирзаев, "Локомотив" вакили Темурхўжа Абдухолиқов ҳамда "Нефтчи" легионери Стипе Перица ҳисобида 9 тадан гол бор.

Кейинги ўринларни 8 тадан гол урган "Пахтакор" ҳужумчиси Стефен Чинеду ва "Бухоро" футболчиси Шерзод Эсанов эгаллаб турибди.

18-турдан кейинги тўпурарлар:

Люпчо Дориев ("Сўғдиёна") — 13 гол
Анваржон Ҳожимирзаев ("Динамо") — 9 гол
Темурхўжа Абдухолиқов ("Локомотив") — 9 гол
Стипе Перица ("Нефтчи") — 9 гол
Стефен Чинеду ("Пахтакор") — 8 гол
Шерзод Эсанов ("Бухоро") — 8 гол