"Арсенал"нинг собиқ ҳужумчиси Тео Уолкотт АПЛ 1-турида "Ковентри"га қарши ўйинда (3:0) дебют қилган Христос Цолиснинг ҳаракатларига юқори баҳо берди. Грециялик вингер "Брюгге"дан 40 миллион еврога харид қилинган.
"У менга жуда ёқди. Цолис Алексис Санчесни эслатади. Тўпни қабул қилиши билан олдинга интилади ва биринчи фикри ҳимоячини алдаб ўтиш бўлади. Унинг 17-рақамда ўйнаши ҳам Алексисни эслатмоқда", — деди Уолкотт.
У Цолиснинг тўп билан енгил ва эркин ҳаракат қилишини ҳам алоҳида таъкидлади.
"Жамоадошлари доимо унга тўп узатишни хоҳламоқда. Ишончининг ошиб бораётгани кўриниб турибди. У Троссардан бироз тезроқ. Қайсидир маънода Цолис Троссар ва Алексиснинг сифатларини ўзида бирлаштирган. У тўлиқ формага киргач, янада кучли бўлади. Ҳозирнинг ўзидаёқ менда жуда катта таассурот қолдирди", — деди собиқ футболчи.
Шу билан бирга, Уолкотт Цолиснинг ўрнига майдонга тушган Эберечи Эзенинг ўйин охиридаги муваффақиятсиз жарима зарбасига эътибор қаратди ва Микель Артета бундай кичик деталларни ҳам назардан қочирмаслигини таъкидлади.
