«Аталанта» «РБ Лейпциг» футболчиси Элиф Элмас трансферини расман эълон қилди. 26 ёшли шимолий македониялик футболчи Бергамо клубига сотиб олиш ҳуқуқи билан ижара асосида келиб қўшилди.
Элмас фаолиятини ватанидаги «Работнички» клубида бошлаган. Кейинчалик у Туркиянинг «Фенербахче» жамоасига ўтди, 2019 йилда эса «Наполи» сафини тўлдирди. Неаполликлар билан бирга у А Серия чемпионлиги ва бошқа совринларни қўлга киритган.
Футболчи 2024 йил январь ойида «РБ Лейпциг»га кўчиб ўтган. Ўтган мавсумни эса Италияда ижара асосида ўтказиб, барча мусобақаларда 44 та ўйинда қатнашди, 1 та гол урди ва 4 та голли узатмани амалга оширди.
Элмас Шимолий Македония миллий терма жамоасида 2017 йил июнь ойида дебют қилган. Ҳозирга қадар у терма жамоа сафида 79 та ўйинда қатнашиб, 13 та гол муаллифи бўлган. Унинг Transfermarkt порталидаги трансфер баҳоси 13 миллион еврони ташкил этади.
