Мадриднинг «Реал» клуби бош мураббийи Жозе Моуриньо рақиб футболчилари ва мухлисларининг Винисиус Жуниорга бўлган муносабатидан норози эканини билдирди.

Шанба куни «қаймоқранглилар» Ла Лига доирасида «Эспаньол»ни 2:1 ҳисобида мағлуб этди. Меҳмонларга ғалаба келтирган голни 90-дақиқада Карлос Эспи киритди.

«Винисиус авлиё эмас, аммо унга қарши қандай ўйнашаётгани ҳаддан ошишдир. Қизил карточка олишдан сақланиш учун рақиблар унга атайлаб навбатма-навбат қоида бузмоқда.

Биз тазйиқ ва таъқибга қарши курашилаётган даврда яшаяпмиз. Аммо Вини рақиб футболчилари ва мухлислари томонидан очиқчасига таъқиб қилинмоқда. Уни бундай шароитларга имкон қадар яхши тайёрлашимиз керак», — деди Моуриньо матбуот анжуманида.

Бразилиялик футболчи учрашувни тўлиқ ўтказди, аммо самарали ҳаракат қайд этмади. У 32-дақиқада сариқ карточка олди.