Англия Премьер-лигаси 1-туридан ўрин олган "Ньюкасл" — "Ливерпуль" учрашувининг сўнгги дақиқаларида белгиланган пенальти бўйича ҳакамлар ўртасидаги мулоқот эълон қилинди.
Бош ҳакам иккинчи бўлимга қўшиб берилган вақтнинг олтинчи дақиқасида "Ньюкасл" ҳимоячиси Льюис Холлнинг Виктор Муньосга нисбатан қоидабузарлигидан сўнг меҳмонлар фойдасига пенальти белгилади. VAR текширувидан кейин ҳам қарор ўз кучида қолди.
Premier League Match Centre ҳакам ва VAR ўртасидаги ушбу вазиятга оид мулоқотни эълон қилди.
Бош ҳакам: "У тўпга ўйнамади. Аниқ контакт бор".
VAR: "Тизза билан сон қисмига контакт бор. Пенальти белгилаш ҳақидаги қарорни тасдиқлаймиз".
Шундан сўнг 11 метрлик зарбани Доминик Собослаи аниқ амалга оширди ва "Ливерпуль"ни мағлубиятдан қутқариб қолди. Драматик кечган учрашув 2:2 ҳисобида якунланди.
