"Ньюкасл" бош мураббийи Маттиас Яйссле "Ливерпуль"га қарши ўйин ҳақида фикр билдирди. Жамоалар АПЛ 1-тури доирасидаги учрашувда 2:2 ҳисобида дуранг ўйнади.

"Жуда аламли. Жамоанинг ўйинидан ҳақиқатан ҳам мамнунман, айниқса, бизнинг қанчалик кам вақтимиз бўлганини ҳисобга олсак. Йигитлар охиригача курашди, майдонда бор кучини қолдирди — биз буни мажбурий деб ҳисоблаймиз. Бу бизнинг стандартимиз. Мухлислар билан биргаликда, умуман олганда, жуда яхши ўйин ўтказдик. Афсуски, 3 очкони қўлга кирита олмадик", — дея Яйссленинг сўзларини келтиради Sky Sports.

"Футболчилар бироз хафа, аммо шу билан бирга вазиятни реал баҳолашмоқда. Биз бир қатор кичик қийинчиликларга дуч келдик. Ҳозир жамоа жиддий ўзгаришлар жараёнида. Биз футболчиларни бу олдимизда турган навбатдаги синов эканига ва уни енгиб ўтишимиз кераклигига ишонтиришга ҳаракат қилдик. Йўлимизда тўсиқлар аллақачон пайдо бўлмоқда. Жарима олмаслик учун кўп гапирмайман. Агар шундай вазиятларда пенальти белгиланадиган бўлса, келажакда бундай ўн бир метрлик зарбалар жуда кўп бўлади. Мен бундай қарорлар тарафдори эмасман", — дея қўшимча қилди мутахассис.

Шунингдек, Яйссле жамоа трансфер бозорида ҳали ўзини кўрсатишини ваъда қилди.