«Ньюкасл» вингери Энтони Эланга Англия Премьер-лигасининг янги мавсумидаги илк учрашувида «Ливерпуль» дарвозасини ишғол қилди. Швециялик футболчининг голи жамоасига ғалаба келтирмади — баҳс 2:2 ҳисобида якунланди.
Маълум бўлишича, Эланга учун бу АПЛда сўнгги 40 та ўйиндаги илк гол бўлди. У Англия чемпионатида охирги марта 2025 йил 1 апрель куни гол урган эди.
Қизиғи, ўша гол унинг собиқ жамоаси «Манчестер Юнайтед» дарвозасига киритилган. Эланга ўша пайтда «Ноттингем Форест» шарафини ҳимоя қиларди. Унинг голи «ўрмончилар»га 1:0 ҳисобидаги ғалабани тақдим этганди.
Эланга «Ноттингем Форест» сафида 2023 йилдан 2025 йилгача тўп сурган, шундан сўнг «Ньюкасл»га кўчиб ўтган. «Ливерпуль»га қарши урилган гол унинг янги клуби сафида АПЛдаги илк голи бўлди.
