«Фулхэм» бош мураббийи Альваро Арбелоа Англия Премьер-лигаси 1-турида «Челси»дан қабул қилиб олинган мағлубият (2:3) ҳақида фикр билдирди.

«Фулхэм» биринчи дақиқадаёқ гол ўтказиб юборди, аммо 23-дақиқада Жошуа Кинг ҳисобни тенглаштирди. 41 ва 49-дақиқаларда «Челси» яна икки бор гол урди. Майдон эгалари бунга 54-дақиқада Гонсало Гарсиянинг голи билан жавоб қайтарди.

«Биз биринчи дақиқада, биринчи бўлим охирида ва танаффусдан сўнг дарҳол гол ўтказдик — гол ўтказиб юбориш учун бундан ноқулайроқ пайтларни тасаввур қилиш қийин.

Шунга қарамай, жамоа характер кўрсатди ва футболчиларнинг реакциясидан фахрланаман. Биз кўпроғига лойиқ эдик, аммо футболда нимага лойиқ бўлганингиз эмас, якунда қандай натижа олганингиз муҳим.

Голли вазиятларда йўл қўйиб бўлмайдиган хатолар қилдик. Биз ўсишимиз ва ўйиннинг илк дақиқалариданоқ тўлиқ ишга киришишимиз керак. Ўйлашимча, тўғри йўлдамиз ва ривожланишда давом этамиз», — деди Арбелоа.

Испаниялик мутахассис «Фулхэм» бош мураббийи лавозимини июль ойи бошида эгаллаган.