Каталониянинг «Барселона» клуби хавбеки Марк Касадо Англия Премьер-лигаси клублари ўртасида талабга эга. Бу ҳақда «Guardian» нашрига таяниб, «Mundo Deportivo» хабар бермоқда.
Ўйинчининг трансфери бўйича музокараларни «Сандерленд» бошлади. Шунингдек, АПЛнинг яна бир нечта клублари — «Ньюкасл», «Астон Вилла» ва «Брайтон» ҳам Касадонинг хизматларига қизиқиш билдирмоқда. Бундан ташқари, ярим ҳимоячининг Саудия Арабистони чемпионатида ҳам вариантлари бор, бироқ Марк Европа футболида қолишни афзал кўрмоқда.
Испания Ла Лигасининг ўтган мавсумида 22 ёшли хавбек 24 та учрашувда майдонга тушган. Касадо битта голли узатмага муаллифлик қилган ва битта сариқ карточка олган.
