"Реал" вингер Ян Диомандени расман таништириш маросимини ўтказди.
Кот-д’Ивуар терма жамоаси футболчиси 6 август куни "Лейпциг"дан 125+15 миллион еврога харид қилинган эди. 19 ёшли ҳужумчи "Реал" сафида дебют қилишга ҳам улгурди — у Ла Лиганинг 2-турида "Эспаньол"га қарши ўйинда (2:1) захирадан майдонга тушди.
Бугун "Реал" президенти Флорентино Перес футболчини клубнинг мажлислар залида кутиб олди ва Диоманде шу ерда шартномани имзолади.
Шундан сўнг унга "Сантьяго Бернабеу" стадионининг макети, соат ва ўз исми ҳамда 25-рақами туширилган футболка тақдим этилди. Маросимда клубнинг фахрий президенти Пирри ҳам иштирок этди.
"Бу барча совринларни яқиндан кўрганингда, уларни телевизор орқали томоша қилишдан мутлақо бошқача ҳис туғилади. Дарҳол ҳеч бўлмаса биттасини ютиш истаги пайдо бўлади... Чемпионлар лигасини, масалан. Нега буни шу йилнинг ўзида бошламаслигимиз керак?
Бу футболчилар билан бир жамоада бўлиш — ақл бовар қилмас туйғу. Бизда дунёнинг энг яхши мураббийи — Жозе Моуриньо бор", — дея Диоманденинг клуб телевидениесига айтган сўзларини As нашри келтирмоқда.
