Англия профессионал футболчилар ассоциацияси (PFA) 2025/26 мавсум якунларига кўра Премьер-лиганинг рамзий терма жамоасини эълон қилди.
Энг кўп вакил «Арсенал»дан бўлди — Лондон клубининг бирданига беш нафар футболчиси йилнинг энг яхши таркибига киритилди. «Манчестер Сити»дан тўрт нафар ўйинчи танланган бўлса, «Манчестер Юнайтед» ва «Брентфорд»дан биттадан футболчи жой олди.
Рамзий терма жамоа таркиби қуйидагича:
Давид Райя, Габриэл, Вильям Салиба, Юрриен Тимбер, Деклан Райс, Нико О’Райли, Райан Шерки, Антуан Семеньо, Эрлинг Холанд, Бруну Фернандеш ва Игор Тиаго.
Ўтган мавсум якунларига кўра, «Арсенал» 22 йиллик танаффусдан сўнг илк бор Премьер-лига чемпионига айланди.
