«Ал-Ҳилол» «Арсенал» вингери Габриэл Мартинеллини сотиб олишга яқин турибди.

Таниқли инсайдер Фабрицио Романонинг маълум қилишича, клублар ўртасидаги музокаралар якуний босқичга кирган. Томонлар 65 миллион евродан ортиқ суммадаги трансфер шартларини келишиб олмоқда.

«Арсенал» футболчини сотишга розилик берган. Энди якуний қарорни Мартинеллининг ўзи қабул қилиши керак.

Бразилиялик футболчи 2019 йилдан буён Лондон клуби шарафини ҳимоя қилиб келмоқда. У «Арсенал» сафида 278 та учрашув ўтказиб, 62 та гол урган ва 36 та голли узатма амалга оширган.

Қўшимча қилиб ўтамиз, Мартинеллининг «канонирлар» билан амалдаги шартномаси келаси йил ёзига қадар мўлжалланган. Футболчининг бозор қиймати эса 45 миллион евро атрофида баҳоланмоқда.