«Манчестер Юнайтед» ярим ҳимоячиси Бруну Фернандеш Англия профессионал футболчилар ассоциацияси (PFA) талқинига кўра, 2025/26 мавсум Премьер-лиганинг энг яхши футболчиси деб топилди.
Овоз бериш жараёнида португалиялик футболчи «Манчестер Сити» вакиллари Райан Шерки ва Эрлинг Холандни, шунингдек, «Арсенал» футболчилари Габриэл Магальяэс, Давид Райя ва Деклан Райсни ортда қолдирди.
Аввалроқ Фернандеш Премьер-лига ҳамда Англия футбол журналистлари ассоциацияси талқинига кўра ҳам мавсумнинг энг яхши футболчиси деб эътироф этилган эди. Шу тариқа, у мавсум якунлари бўйича учта нуфузли шахсий совринни қўлга киритди.
Фернандеш 2025/26 мавсумда Премьер-лигада 35 та ўйин ўтказиб, 9 та гол урди ва 21 та голли узатма амалга оширди. Ушбу натижа билан у мусобақада ассистлар бўйича янги рекорд ўрнатди.
Шунингдек, Фернандеш Криштиану Роналдудан кейин PFAнинг мазкур мукофотини қўлга киритган иккинчи португалиялик футболчи бўлди. Роналду бу совринни 2006/07 ва 2007/08 мавсумларида қўлга киритган.
