«Манчестер Юнайтед» сардори Бруну Фернандеш «Брайтон»дан трансфер қилинган ярим ҳимоячи Карлос Балеба ҳақида фикр билдирди.
Сешанба куни «қизил иблислар» 22 ёшли футболчининг трансферини расман эълон қилди. Келишув қиймати қарийб 76 миллион евро деб баҳоланмоқда.
«Мухлисларимиз Балебани яхши кўриб қолишига ишонаман. У жуда энергияга бой, жисмонан кучли ва тўпни олдинга олиб чиқишни билади. Ёш ва истиқболли футболчи. Клуб уни икки йил давомида кузатган», — дея Фернандешнинг сўзларини келтиради журналист Фабрицио Романо.
Карлос Балеба «Манчестер Юнайтед» билан 2031 йилга қадар шартнома имзолаган. Битимда уни яна бир йилга автоматик узайтириш имконияти ҳам кўзда тутилган.
