«Арсенал» ярим ҳимоячиси Бруно Гимараэс клуб бош мураббийи Микель Артета билан ишлаш борасидаги илк таассуротлари билан ўртоқлашди ва жамоанинг амбицияли режалари ҳақида гапириб ўтди.
«Биринчи суҳбатимизданоқ Артета бу ерда сулола барпо этиш ва мумкин бўлган барча совринларни қўлга киритиш истаги борлигини айтганди. Унинг интилишлари мени доимо руҳлантириб келган. Мен учун бу ердаги барча нарса янгилик, шунинг учун шерикларим, мураббий, ходимлар ва унинг иш услубларига кўникишга ҳаракат қиляпман. Айтишим мумкинки, ҳали жамоадаги ўз ўрнимни қидирмоқдаман, аммо бу ерда менга жуда ёқмоқда», — дея Гимарайнснинг сўзларини келтиради ESPN.
«Арсенал» ва Бруно 75 миллион фунт стерлинг (87,75 миллион евро) миқдоридаги трансфер суммаси бўйича келишувга эришган эди. Оммавий ахборот воситалари тарқатган маълумотларга кўра, футболчининг ўзи билан беш мавсумга — 2031 йилнинг ёзига қадар мўлжалланган шартнома имзоланган.
