«Манчестер Сити» янги футболчиси Айюб Буадди Англиянинг топ-клуби билан шартнома имзолаганидан сўнг ўз таассуротлари билан ўртоқлашди.

26 август, чоршанба куни «шаҳарликлар» 18 ёшли марокашлик футболчи трансферини расман эълон қилди.

— Мен учун «Манчестер Сити» — дунёдаги энг яхши клуб. Бу ерда бўлиш ва ўзимни «Манчестер Сити» футболчиси деб аташ имкониятига эга бўлиш — орзу. Мен кўп йиллардан бери жамоани кузатиб келаман ва унинг ўйин услуби менга ёқади. «Сити» ҳар доим сифатли футбол намойиш этишга интилади, — деди Буадди.

Бундан ташқари, Буадди «Манчестер Сити» бош мураббийи Энцо Марескани энг яхши мураббий деб атади ҳамда «Этихад»да ўйнаш имкониятини интиқлик билан кутаётганини таъкидлади.