"Кристал Пэлас" қанот ҳужумчиси Исмаила Сарр "Ливерпуль" билан шахсий шартнома шартларини келишиб олди. Бу ҳақда indykaila News хабар берди.
Манба маълумотига кўра, мерсисайдликлар билан келишувга эришган сенегаллик футболчи энди "Кристал Пэлас" раҳбариятини "Ливерпуль" таклифини қабул қилишга кўндиришга ҳаракат қилмоқда.
28 ёшли вингер фаолиятини "қизиллар" сафида давом эттиришга қатъий қарор қилган.
Исмаила Сарр "Кристал Пэлас" сафида 2024 йилдан буён тўп суриб келмоқда. Шу вақт ичида у барча мусобақаларда 92 та учрашувда майдонга тушиб, 33 та гол урди ва 10 та голли узатмани амалга оширди.
Жорий мавсумда Сарр ҳали майдонга тушмаган. Унинг Лондон клуби билан амалдаги шартномаси 2029 йилга қадар мўлжалланган.
