"ПСЖ" Coca-Cola France билан ҳамкорликни қайта тиклаганини эълон қилди.
Глобал ҳамкорлик тўғрисидаги келишув 2029 йилга қадар амал қилади. Ҳамкорлик доирасида "ПСЖ"нинг уй стадиони "Парк-де-Пренс"да яқин вақт ичида махсус майдонча очилади. У ерда мавсум давомида футбол ва Париж маданиятига бағишланган турли тадбирлар ўтказилади.
Бундан ташқари, Coca-Cola "ПСЖ" клуби рангларида безатилган алюминий банкаларда махсус ичимлик сериясини чиқаради. Унинг умумий адади 400 минг донани ташкил қилади.
"ПСЖ" ва Coca-Cola ўзларининг умумий тарихига қайтиш учун яна бирлашмоқда. Икки томоннинг мақсади — мухлисларни уларнинг қизиқишлари атрофида бирлаштириш ва унутилмас ҳис-туйғулар ҳамда мулоқот онларини яратиш.
Футбол, мода, мусиқа ва турмуш тарзи кесишган нуқтада "ПСЖ" футбол майдонидан анча ташқарига чиққан таъсирга эга маданий иконага айланди. Бу йўналиш Coca-Cola'нинг одамларни муҳим воқеалар ва уларни бирлаштирадиган ҳис-туйғулар атрофида жамлаш қобилияти билан уйғунлашади", — дейилади "ПСЖ" баёнотида.
