"Барселона" ва "Реал Сосьедад" ҳимоячи Эктор Форт трансфери бўйича оғзаки келишувга эришди.
Фабрицио Романо маълумотига кўра, басклар 20 ёшли футболчи учун 8 млн евро тўлайди. "Барселона" эса Фортнинг кейинги трансферидан тушадиган маблағнинг 50 фоизини олиш ҳуқуқини сақлаб қолади. Шунингдек, каталонияликлар уни келажакда тахминан 20 млн евро эвазига қайтариб сотиб олиши мумкин. Футболчининг ўзи ҳам "Реал Сосьедад"га ўтишга розилик берган.
Энди томонларга трансферни расмийлаштириш билан боғлиқ ҳужжатларни якунлаш қолди.
"Ла Масия" тарбияланувчиси бўлган Форт "Барселона" асосий жамоаси сафида барча мусобақаларда 30 дан ортиқ учрашувда майдонга тушган. Ўтган мавсумни эса ижара асосида "Эльче"да ўтказган.
