«Ливерпуль»нинг ўнг қанот ҳимоячиси Жереми Фримпонг Англия Премьер-лигаси 2-туридан ўрин олган «Ноттингем Форест»га қарши учрашув олдидан рақиб жамоа кучига баҳо берди.

«Қизиллар» 29 август куни «Энфилд»да «ўрмончилар»ни қабул қилади.

«Мен «Форест»нинг ўйинларини кўрдим, шунингдек, мавсумолди тайёргарлик доирасидаги «Байер»га қарши баҳсини ҳам кузатдим. Улар жуда кучли ва яхши футбол намойиш этади. Менга «Форест»нинг услуби ёқади.

Оливер Гласнер туфайли улар ўтган мавсумдаги «Кристал Пэлас»ни эслатади. Ўша жамоа билан ўйинларда бизда муаммолар бўлган эди. Шубҳасиз, бизни жуда қийин учрашув кутиб турибди», — деди Фримпонг. Унинг сўзларини Anfield Sector келтирди.

«Ливерпуль» Англия чемпионатининг янги мавсумини сафарда «Ньюкасл» билан 2:2 ҳисобидаги дуранг билан бошлади. «Ноттингем Форест» эса ўз майдонида «Лидс»га 0:1 ҳисобида мағлуб бўлди.