Мадриднинг «Реал» клуби ярим ҳимоячиси Федерико Вальверде «Реал Сосьедад» устидан қозонилган 4:1 ҳисобидаги ғалабада Жозе Моуриньюнинг тактик ўзгаришлари муҳим роль ўйнаганини таъкидлади.

Учрашувнинг биринчи бўлими 1:1 ҳисобида якунланган эди. Танаффусдан кейин эса фақат мезбонлар гол урди: Килиан Мбаппе хет-трикни расмийлаштирди, яна бир голга Винисиус Жуниор муаллифлик қилди.

«Танаффусда прессинг ҳақида гаплашдик. Рақиб майдонида тўпни қайтариб олишда қийналаётган эдик, кўп ҳолатларда сон жиҳатдан камликда қолардик. Танаффус пайтида мураббий биздан янада фаолроқ прессинг қилишни сўради.

Тактик ўзгаришлардан кейин ўзимизни анча ишончли ҳис қила бошладик. Жозенинг гаплари бизга жуда катта ёрдам берди. Айнан шу ўзгаришлар туфайли иккинчи бўлимни фантастик даражада ўтказдик», — деди Вальверде. Унинг сўзларини Madrid Zone келтирди.

«Реал» икки турдан кейин 6 очко жамғарган. Мадридликлар навбатдаги учрашувини 30 август куни «Малага»га қарши ўтказади.