Аргентина терма жамоаси ҳужумчиси Хулиан Альварес ва Мадриднинг «Атлетико» клуби учун Лондоннинг «Арсенал»ига трансфер футболчи атрофидаги мураккаб вазиятдан чиқиш йўли бўлиши мумкин. Бу ҳақда Испаниянинг AS нашри ёзмоқда.

Ёз давомида Альварес «Барселона»га ўтишга ҳаракат қилди. Бироқ «Атлетико» Испания чемпионатидаги рақибига ўзининг энг яхши футболчиларидан бирини беришдан бош тортиб, 100 миллион евролик таклифни рад этди.

23 август куни аргентиналик ҳужумчи «Атлетико»нинг ўз майдонида «Вильярреал»га қарши ўйинида захирадан майдонга тушди ва Мадрид мухлислари томонидан қаттиқ ҳуштакбозлик билан кутиб олинди.

Жорий ҳафтада у соғлиғидаги муаммоларни сабаб қилиб, кетма-кет икки кунги машғулотни ўтказиб юборди.

Нашр журналистларининг фикрича, бундай вазиятда «Атлетико» трансфер ойнаси ёпилишидан олдин Альваресни Лондоннинг «Арсенал» клубига Швеция терма жамоаси ҳужумчиси Виктор Дьёкерешга алмаштириши мумкин.

«Канонирлар» ўтган йили ҳам аргентиналик футболчини сотиб олишга уринган, аммо ўшанда рад жавобини олган.