«Арсенал» собиқ футболчиси Андрей Аршавин ёш ярим ҳимоячи Алексей Батраковнинг «Локомотив»дан «Галатасарой»га ўтиши ҳақида фикр билдирди.
Аршавин «Спорт-Экспресс»га берган интервьюсида Батраковнинг трансферига ижобий муносабатда эканини айтди. Унинг фикрича, «Галатасарай» фаолиятини давом эттириш учун ёмон вариант эмас.
Собиқ футболчи Батраков фаолиятида кейинги қадамни ташлаши керак бўлганини таъкидлади.
«Ўзининг ўйин сифатлари бўйича Алексей “Галатасарой”нинг асосий таркибидан жой олишга лойиқ. Агар у Чемпионлар лигасида муваффақиятли ўйнаса, бошқа клубларнинг ҳам эътиборини тортиши мумкин», — деди Аршавин.
Эслатиб ўтамиз, Алексей Батраков яқинда расмий равишда «Галатасарой»га ўтди. Туркиянинг амалдаги чемпиони Россия терма жамоаси ярим ҳимоячиси учун тахминан 25 миллион евро тўлади.
