«Астон Вилла» дарвозабони Эмилиано Мартинес яқин вақт ичида «Челси» футболчисига айланиши кутилмоқда. Бу ҳақда инсайдер Фабрицио Романо хабар берди.

Манба маълумотига кўра, Лондон клуби 33 ёшли аргентиналик голкипер учун 7,5 миллион фунт тўлайди. The Athletic журналисти Дэвид Орнштейннинг ёзишича, Мартинес «Челси» билан «2+1» кўринишидаги шартнома имзолайди.

Мартинес 2020 йилдан буён «Астон Вилла» шарафини ҳимоя қилиб келмоқда. У клуб сафида 256 та ўйин ўтказиб, 305 та гол ўтказиб юборган ва 80 та учрашувда дарвозаси дахлсизлигини сақлаб қолган.