«Ювентус» Франк Кессиэ ва унинг вакиллари билан потенциал трансферни муҳокама қилди. Туринликлар 29 ёшли ярим ҳимоячига икки йиллик шартнома таклиф қилмоқда. Битимда шартномани яна бир мавсумга узайтириш имконияти ҳам мавжуд.
La Gazzetta dello Sport маълумотига кўра, Кессиэга йиллик 3,5 миллион евро маош таклиф қилинган.
Энди барчаси Кессиэнинг қарорига боғлиқ, чунки «Ювентус» таклиф қилинган суммани ошириш ниятида эмас. «Бьянконери» молиявий харажатлар ва УЕФАнинг молиявий талаблари билан боғлиқ чекловларни ҳисобга олган ҳолда трансфер бозорида ҳаракат қилиши керак. Музокаралар жадал давом этмоқда, футболчининг вакиллари эса таклифни кўриб чиқмоқда.
Эркин агент мақомидаги Кессиэга Жан Пьеро Гасперини бошқараётган «Рома» ҳам қизиқиш билдирмоқда. Гасперини аввал «Аталанта»да Кессиэ билан бирга ишлаган.
Кессиэнинг ўзи эса «Ювентус»га ўтишни устувор деб ҳисобламоқда. Ивуарлик футболчи ҳали ҳам А Серияда рақобатлаша олишига ишонмоқда.
