«Ноттингем Форест» «Коринтианс» ярим ҳимоячиси Андре Луисни ўз сафига қўшиб олиш устида ишламоқда. Бу ҳақда инсайдер Фабрицио Романо хабар берди.
Клублар ўртасида музокаралар аллақачон бошланган. Томонлар бўлажак битимнинг молиявий тузилмаси ва трансфер шартларини муҳокама қилмоқда.
Transfermarkt портали бразилиялик футболчининг бозор қийматини 16 миллион еврога баҳоламоқда.
20 ёшли ярим ҳимоячи 2025 йилдан буён «Коринтианс» сафида тўп сурмоқда. Шу вақт ичида у 45 та учрашувда майдонга тушиб, 7 та гол урди ва 2 та голли узатмани амалга оширди.
Андре Луиснинг Бразилия клуби билан амалдаги шартномаси 2029 йил декабрь ойига қадар мўлжалланган.
