«Nottingem Forest» «Korintians» yarim himoyachisi Andre Luisni o‘z safiga qo‘shib olish ustida ishlamoqda. Bu haqda insayder Fabrisio Romano xabar berdi.

Klublar o‘rtasida muzokaralar allaqachon boshlangan. Tomonlar bo‘lajak bitimning moliyaviy tuzilmasi va transfer shartlarini muhokama qilmoqda.

Transfermarkt portali braziliyalik futbolchining bozor qiymatini 16 million yevroga baholamoqda.

20 yoshli yarim himoyachi 2025 yildan buyon «Korintians» safida to‘p surmoqda. Shu vaqt ichida u 45 ta uchrashuvda maydonga tushib, 7 ta gol urdi va 2 ta golli uzatmani amalga oshirdi.

Andre Luisning Braziliya klubi bilan amaldagi shartnomasi 2029 yil dekabr oyiga qadar mo‘ljallangan.