Марк Гехи «Манчестер Сити»нинг «Борнмут»га қарши мавсумдаги илк ўйинида ярим ҳимояда ҳаракат қилишига жамоадошлари катта ёрдам берганини таъкидлади.

Англия терма жамоаси футболчиси асосан марказий ҳимоячи сифатида ўйнайди. Бироқ «Борнмут»га қарши 2:1 ҳисобидаги ғалабали баҳсда у таянч ярим ҳимоячиси позициясида майдонга тушди ва ишончли ўйини эвазига учрашувнинг энг яхши футболчиси деб топилди.

Гехи ўзи учун одатий бўлмаган позицияда ҳам ўзини қулай ҳис қилганини айтиб, бунда машғулотлардаги тайёргарлик ва жамоадошларининг ёрдами муҳим роль ўйнаганини билдирди.

«Ўзимни яхши ва эркин ҳис қилдим. Ўйиндан олдинги ҳафта давомида мураббий билан машғулотларда бу борада жуда кўп ишладик.

Атрофимда шунчалик кўп кучли жамоадошлар борлиги мен учун омад. Улар ўйин олдидан ҳам, учрашув давомида ҳам янги позицияга мослашишимга ёрдам беришди. Бу роль менга жуда ёқди», — деди Гехи.