«Милан» ҳужумчиси Гонсалу Рамуш «Венеция»га қарши ўйиндаги голи ва жамоасининг ғалабаси ҳақида фикр билдирди.
Италия клуби рақибини 2:0 ҳисобида мағлуб этди. Учрашувда ҳисобни Рамуш очди. Португалиялик футболчи ёзда «Милан»нинг энг эътиборли трансферларидан бири бўлган эди.
«Бу ажойиб ҳис, аммо энг муҳими — ғалаба. Яна бир учрашувда ғолиб чиққанимиздан жуда хурсандман.
Биринчи бўлимдаги имкониятларимдан нега фойдалана олмаганимни билмайман. Одатда менда шунча вазият бўлса, биттадан ҳам кўпроқ гол ураман», — деди Рамуш.
Эслатиб ўтамиз, Гонсалу Рамуш аввал Франциянинг «ПСЖ» клуби сафида тўп сурган.
