«Бавария» ҳужумчиси Харри Кейн яқин вақт ичида клуб билан янги шартнома имзолаши мумкин.
Англиялик футболчининг амалдаги келишуви келаси ёзда якунига етади. Бироқ томонлар янги шартнома бўйича музокараларда сезиларли олдинга силжиган. Sky Sport маълумотига кўра, янги битим камида 2029 йилгача мўлжалланиши мумкин.
«Музокаралар ўтган ҳафта бошланди. Бундай масалалар бир ёки икки ҳафтада ҳал бўлмайди. Ҳозир гап тафсилотлар ҳақида кетмоқда. Мен 33 ёшдаман, шунинг учун бу, эҳтимол, фаолиятимдаги сўнгги йирик шартнома бўлади. Ҳаммаси яхши кетяпти», — деди Кейн.
Манба таъкидлашича, ҳар икки томон ҳам ҳамкорликни давом эттириш ниятида қатъий.
