«Bavariya» hujumchisi Xarri Keyn yaqin vaqt ichida klub bilan yangi shartnoma imzolashi mumkin.

Angliyalik futbolchining amaldagi kelishuvi kelasi yozda yakuniga yetadi. Biroq tomonlar yangi shartnoma bo‘yicha muzokaralarda sezilarli oldinga siljigan. Sky Sport ma’lumotiga ko‘ra, yangi bitim kamida 2029 yilgacha mo‘ljallanishi mumkin.

«Muzokaralar o‘tgan hafta boshlandi. Bunday masalalar bir yoki ikki haftada hal bo‘lmaydi. Hozir gap tafsilotlar haqida ketmoqda. Men 33 yoshdaman, shuning uchun bu, ehtimol, faoliyatimdagi so‘nggi yirik shartnoma bo‘ladi. Hammasi yaxshi ketyapti», — dedi Keyn.

Manba ta’kidlashicha, har ikki tomon ham hamkorlikni davom ettirish niyatida qat’iy.