«Манчестер Сити» ҳужумкор ярим ҳимоячиси Райан Шерки Англия Премьер-лигасида «Кристал Пэлас»га қарши 4:1 ҳисобидаги ғалабадан кейин ўзининг дубль қайд этган ўйини ҳақида фикр билдирди.

Ушбу баҳсда Эрлинг Холанд ҳам икки гол урди. Норвегиялик ҳужумчи учун дубль одатий ҳол бўлса, Шерки «шаҳарликлар» сафида илк бор бир ўйинда иккита гол урди.

«Эрлинг билан иккитадан гол урдик. У мен жамоанинг энг яхши тўпурари бўлиш учун у билан рақобатлашишимни билади. Гарчи, менимча, бу рақобатда у аниқ ғолиб чиқади. Аммо менинг вазифам — уни янада яхшироқ бўлишга ундаш ва унга голли узатмалар бериш», — деди Шерки.

Эрлинг Холанд ушбу мавсумда илк бор самарали ҳаракат қайд этди. Райан Шерки ҳисобида эса гол+пас тизими бўйича 4 очко — 2 та гол ва 2 та голли узатма бор.