Аргентина терма жамоаси ярим ҳимоячиси Леандро Паредес 2026 йилги жаҳон чемпионати финалидан кейин юз берган жанжалда иштирок этгани учун 10 та ўйинга дисквалификация қилинганига муносабат билдирди.
«Бу ортиқча жазо. Гавига атиги бир ўйинлик дисквалификация берилгани ғалати. Ахир айнан у кўксимга урган эди», — дея Паредеснинг сўзларини келтиради TyC Sports.
Эслатиб ўтамиз, финал баҳсидан кейин юзага келган тортишув пайтида аргентиналик ярим ҳимоячи Испания терма жамоаси футболчиси Эрик Гарсиянинг бўйнидан ушлаган. Шунингдек, у жамоадошини ҳимоя қилишга уринган Гавини ҳам итариб юборган.
Жанжалда Аргентина терма жамоасининг бошқа футболчилари ҳам иштирок этган. Кейинроқ ФИФА ушбу эпизодларда аргентиналик ўйинчиларнинг хатти-ҳаракатларини алоҳида кўриб чиқиши хабар қилинган эди.
